Serrgêra Pêkerdişê Lozanî de ke bi sebebê letekerdişê Kurdîstanî, çalakî û aktîvîgeyê kurdîstanijan dewam kenê. Temsîlkarê Yekîtiya Niştîmanê Kurdistan (YNK) ya Swîsre Newzad Kareemî yo ke Komîteya Vera Lozanî de ca geno ANFyî rê qisey kerd.

Roportajê Newzad Kareemî bi kilmî wina yo:   “Werîkna ma kurdî se serrî verî mîyanê komîteyêka winayêne de ca bigirewtêne. O wext nê heme qirkerdiş û asîmîlasyonê ke ameyî kerdene, nêbîyênî. Heta nika eke na komîte bibîyênî, nika ma zaf çî fînabi dest. Sey YNKyî na mesla de fîkrê ma zelal o;  ma vanê ke her leteyê Kurdîstanî hewceyê yewbînan o. Ma sey komîte do çîyo ke destê ma ra bêro, bikerê. Ez reyna vajî, ma semedê yewbîyayîşî kewtê erey. La seba ke ma nika ameyî têhet, no muhîm o.

Şarê kurdî gerek vera sey şarê mazlûmî vera Pêkerdişê Lozanî bibo yew.  Beno ke fîkrê ma yew mebê la gerêk ma nuqtaya hempare de bibê yew. No zî do bibo bingehê yewîya neteweyî. Qet partîyêka kurdan vera nê nêvejîyena.  Ma zî tim vanê ke ma semedê yewîya neteweyî ameyî têhet. No nêzdîbîyayîş do yewîya kurdan dahîna aver bêro. Heta ewro ma na nuqta de kêm mendî. Ma ewro vînenî her kes keyeyê xo de nuşto ro, vano “ez seba Kurdîstanî têkoşîn kena” la raştî wina nîya; her kes xo gird ê bînan wirdî vîneno. Gerek partîyê Kurdîstanî yewbînan qebul bikerê û paştî bidê yewbînan.  Heta ke ma yew mebê, çew zî goş nêkewno qala ma.

Meseleya sîyasetê kurdan a girde aya ke yewbîyayîş çîn o.  Çi heyf ke kurdan heta ewro vera yewbînan pêrodayîş kerd.  Gerek kurdî bibê yew. Kam lete beno  wa bibo, gerek paştî bidîyo xoverdayoxan. Gerek ma paştî îşxalkeran medê û şerê wayûbirayî mekewê. Na mesela meselayêka neteweyî ya. Meseleyêka tarîxî ya. Ziwan, herre û neteweyîye erjê ma yê bigenên ê.  Nê meseleyê hemparî yê şarê kurdî yê. Gerek çîyê ke bi destê Lozanî destê ma ra ameyî girewtene ma pê têkoşînî peyser bigêrê. Aşma temuze de Lozan de do koferansêk bêro kerdene. Gerek pêro partî dezgehê çar leteyan tewê ci bibê.”