KCD’yî eşkerayîya xo de rojbîyayîşê Rayberê Şarê Kurdî Abdullah Ocalanî yo 70’in pîroz kerd û bale ante serê polîtîkayanê tecrîdî. Eşkerayîya KCD’yî wina ya:

 “Rojakewtena Mîyanêne, Tirkîya û Kurdistan prosesê tarîxkî ciwîyenê. Nê prosesê tarîxkî de hetêk ra zext, hêriş, zulm, komkiştiş, çinhesibnayîş û çinkerdiş, asîmîlasyon û alozî sewîyeya tewr cor de yê; hetê bînî ra zî rixmê her çî hêvî, xoverdayîş, ruhê têkoşîn û pratîkê yenê ciwîyenê.

Ma 4’ê Nîsane, rojbîyayîşê 70’in ê rêzdar Abdullah Ocalanî yo ke şarê Kurdistanî û Rojakewtena Mîyanêne xo rê sey  Rayber qebûl kenê, seba ke şaran rê bîyo hêvîya azadîye, aramî û têduştîye, heme şaran reyde pîroz kenê. Rêzdar Abdullah Ocalan o ke hêvîya şarê Kurdan û Rojakewtena Mîyanêne yo, 20 serrî yo Îmraliyî de yeno tecrîdkerdene. Bi kerdişanê ke tu cayê dinya de çin ê, tecrîdêko tewr giran Îmraliyî de yeno kerdene û no sîstemê Îmraliyî tewr cayê dinya çin o. Ganî ma bidê zanitene ke weşîye û azadîya Rayberê Şarê Kurdî Abdullah Ocalanî, semedê hêvî, xoverdayîş û têkoşînê şarê ma yo. Coka rojbîyayîşê rêzdar Ocalanî seba ma mîladêk o. Rayberê Şarê Kurdî Abdullah Ocalanî bi paradîgmaya xo, bîyo temînatê haştîye, waye û biratîye, demokrasî û enternasyonalîzmî û ameyoxê şaran roşn keno. Coka ma reyêna rojbîyayîşê rêzdar Ocalanî bi ruhê xoverdayîşî yê hemsereka ma Leyla Guvene dayo destpêkerdene û pêl bi pêl Kurdistan de û dinya de vila bîyo, pîroz kenê.”