KCDK-E Başûrî pê eşkerayîyêke bale ante xoverdayîşê gerîlayan û serewedaritişê şarê Başûrî yê vera îşxalê dewleta tirke ser û îfade kerd ke rayberîya gerîlayanê azadîye de ê do vera faşîzmî ser bikewê.
Koordînasyonê Komîteyanê Başûrî yê Encumanê Komelê Neteweyî yê Kurdan ê Teberê Welatî (KCDK-E Başûr) derheqê hêrişanê dewletanê tirke û îranî yê vera Başûrê Kurdîstanî eşkerayîyêke weşanaye.
Eşkerayîye de nê çîyî ameyî parekerdene: ''Dewleta tirke bi hawayêkê barbarî hêrişê Behdînan û bajarekê Şêladizî kerd. Netîceya bombardumanî de 6 sivîlan dinyaya xo bedilnaye. Ma nê hêrişan şermezar kenê.
Bêvengîya vera nê hêrişan tehlukeyêko cidî yo. Ganî ma çalakîyanê xo yê vera dewletanê faşîstan Tirkîya û Îranî dewam bikerê. Ma pîya vera dewleta tirke ya faşîste pê coş û hêrsî hewteyê hêrsî dewam bikerê.
Ma pê xo û şarê kurdî bawer ê ke ma pê hetkarîya şarê ma yê şorişgêrî û pê rayberîya gerîlayanê azadîye ma do vera faşîstan ser bikewê.''
