KCDK-E: Cade vera îxanetî vejîyê waran
KCDK-E vat: ''Dewleta tirke ya ke qirkerdişê kurdan dayo verê xo, bi destekê Barzanîyan Kurdîstan her roje kena gola gonîye.'' KCDK-E venga pêro kurdîstanijan da ke cade vejîyê waran.
KCDK-E bi eşkerayîyêke hêrişê vera Temsîlkarîya KNKyî ya Hewlêrî şermezar kerde.
KCDK-E pare kerd ke dewleya tirke bi hemkarîya keyeyê Barzanîyan her roje qirkerdişan kena. KCDK-E vat: ''Dewleta tirke armanc kena ke pêro kurdan qir bikera. Keyeyê Barzanîyan zî dewleta tirke rê paştî dana. Kurdî hînî nê îxanetî ra aciz ê. Tewr peyên Hewlêr de hêrişê vera Temsîlkarîya KNKyî de embaz Denîz Cevdet Bulbun bi namerdî ame qetilkerdene. Eke peynîya nê îxanetî nêra ardene qetlîamê winayênî do bizêdîyê.
Ma venga PDK-keyeyê Barzanîyan danê ke cade îxanetî ra abigêrê, wa cade baregehanê dewleta tirke erdê Başûrî ra wedarnê.
Ma venga pêro kurdîstanijan danê ke bi ruhê yewîya neteweyîye cade verê temsîlkarî û dezgehanê Başûrî de û verê sersefîrîyanê Komara Tirkîya de çalakîyanê protesto û şermezarkerdişî bikerê.''
