KCDK-E veng da heme kurdan û dostanê înan ke wa siba vera hêrişanê kîmyewîyan verê Partlamentoyê Ewropa de bêrê pêser û vat: ''Êyê ke nefesê qicanê ma peysnenê ganî ma vera înan wirzê payan ser û bibê veng û nefesê gerîlayan.''
KCDK-E derheqê şuxulnayîşê çekanê kîmyewîyan ê dewleta tirke eşkerayîye daye û vang da heme kurdan û dostanê înan ke wa verê Partlamentoyê Ewropa de bêrê pêser.
Eşkerayîya KCDK-E de nê ameyî parekerdene: ''Sere de OPCW, Neteweyê Yewbîyayeyan û dezgehê mîyanneteweyîyî vera şuxulnayîşê çekanê kîmyewîyan ê dewleta tirke bêveng manenê û nê sûcî rê benê hemkar. Ewladê kurdan pê kîmyewîyan yenê qetilkerdene û nefesê înan yeno peysnene. Ma kurdî û dostê kurdan ganî bibê veng û nefesê gerîlayan. Roje roja vindertişî nîya. Roje roja serewedritişî ya. Êyê ke nefesê qicanê ma pesnenê ganî ma vera înan wirzê payan ser.
20ê teşrîna verêne roja pancşemeyî şarê ma û dostê ci ganî kar û gureyê xo caverdê û vera nê wehşetî Bruksel de tewrê çalakîya protestoyî ya ke do verê Parlantoyê Ewropa de bêro kerdene bibê. Siba bi ruhê seferberîye ma saete 10.00 de verê Parlamentoyê Ewropa (Place du Luxembourg Brussel) de bêrê pêser.''
