Dîwanê Hemserekîya KONGRA-GELî derheqê hêrişanê kîmyewîyan ê dewleta tirke ya îşxalkere de eşkerayîyêke daye. Eşkerayîye wina ya:

''Dewleta tirke waşt pê teknîkî vera gerîlayan netîce bigêra la bênetîce mende. Nê şerê 6 mengî de dewleta tirke seba serkewtişî her sûcê şerî kena. Dewleta tirke çekanê kîmyewîyan û gazanê jehrînan vera gerîlayan şuxilnena. Dîmenê gerîlayanê ke pê nê gazan şehîd bîyê terorê dewleta tirke û polîtîkaya qirkerdişê kurdan mojnenê. Seba ke dezgeh û rayaumûmîya bêvenge vera dewleta tirke têbigêrê nê dîmenan ra hîna xurt delîlêko bîn lazim nîyo.

Nê dîmenî venga Neteweyanê Yewbîyayeyan, OPCW û rayaumûmîye danê ke erkê xo bikerê la eke wina nêkerê raşta raşte ê zî hemkarê nê sûcê şerî yê.

Ma venga şarê xo û dostanê xo danê ke seba ke dezgeh û ê kesê ke vera terorê dewleta tirke bêveng ê, têbigêrê ma wurzê payan ser.Hînî wextê vatişî qedîya, ganî ma bi pratîkê xo cewab bidê. Ganî ma kîn û hêrsê xo bi çalakîyanê xo asta tewr berze de bimojnê. 

Jehrîbîyayîşê gerîlayan jehrîbîyayîşê şarê kurdî yo. Vera sûcanê şerî yê dewleta tirke bêveng nêmanê. Dezgeh û rayaumûmîya mîyanneteweyîye cade têbigêrê.''