Kongreya Komelê Demokratîkî ya Kurdîstanijan (KCDK-E) derheqê turê diyînî yê weçînayîşê serekkomarîye yê Tirkîya de eşkerayîyêke daye.

Eşkerayîye de ame parekerdene ke rixmê hêriş, teda, hîle û operasyonan zî kurdan nêverda ke Erdogan turê yewinî de bibo serekkomar. KCDK-E vat: ''Îqtîdarê AKP-MHPyî staretîja taybete arde ca û çarçewa na stratejî de armanc kerd ke kurdî û muxalîfî bi moralêkê xirabî debikewê weçînayîşan. Rixmê dek û dolaban zî Erdogan nêeşka ser bikewo.

Eşkera yo ke îqtîdar keno ke moralê şarî bixeripno û turê diyînî de ser bikewo. Coka meylê tehlukeyênê ke Partîya Çep a Keske rexne kenê û îstîfaya îdarekaran wazenê, medyaya dîjîtale de bi hawayêkê zelalî dîyenê. Ganî ma bivînê ke cepheyo faşîst bi nê hawayî wazeno ser bikewo. 

Ziwanê nefretî û nîjadperestîye do qîm nêkerê ke Erdogan ser bikewo. Ma do Erdoganî bin bivisnê. Ma verê Erdoganê dîktatorî girewt, nika zî ma do bi ey bidê binvistene! Ganî ma bi nê şîarî seferber bibê. Ganî şarê ma firsend nêdo xeripnayîşê moralî û şoro sindoqan ser.

Ma venga pêro kurdîstanijan danê ke senî ke turê yewinî de Erdogan asteng kerdo turê diyînî de zî ey bin bivisnê.''