Hemserekanê KCDK-E da zanayene ke ewro saet 17.00 xeylî cayan de, do semedê Zulkuf Gezeno ke vera tecrîdkerdişê Rayberê Şarê Kurdî Abdullah Ocalanî çalakîya fedaîye viraşte û tewrê kerwanê şehîdan bi, çalakîyî bêrê viraştene û seba tewrbîyayîşî veng da.
KCDK-E bi eşkerayîyêk semedê Zulkuf Gezeno ke vera tecrîdkerdişê Rayberê Şarê Kurdî Abdullah Ocalanî çalakîya fedaîye viraşte û şehîd bi, serweşî waşte û da zanayene ke ewro 17. de do çalakîyê hemwextî bêrê viraştene û semedê tewrbîyayîşî veng da.
Eşkerayîye de bale ancîyaye grevanê vêşanîye ser û ame vatene ke vera tecrîdî bi hezaran kesî bi qerardarîya girde çalakîyan domnenê û zafê înan kewtê merhelaya krîtîk ê. La hukmatê AKP’yî herinda çareserîde heme hêzê xo semedê hêrişan şuxulneno. Eşkerayo ke îqtîdar seba ke dewletanê komplokaran, Yewîya Ewropa, CPT û Konseya Ewropa ra paşt gêno, vera Kurdan hêrişê xo domeneno. CPT û Konseya Ewropa bi bêvêngîya xo şehadetê Gezenî de wertaxê sucê Erdoganî yê.
KCDK-E vat ke ma do bi hemleya “Ma tecrîdî bişiknê, faşîzmî birijnê û Kurdistanî azad bikerê”çalkîyanê xo yê Ewropa bêmabên bidomnê. Seba ke şehadetê bînî mebê, ma do bi ruhê seferberîye, 18’ê Adare (Ewro) Ewropa, Avûstralya, Kanada û Japonya de heman wextî, saet 17.00 de vejîyê kuçeyan. Ganî heme Kurdistanijî û dostê ma tewrê çalakîyan bibê û paştî bîde xoverdayoxanê grevê vêşanîye.
