KCDK-E derheqê hêrişanê faşîstan ê dewleta tirke yê Belçîka de eşkerayîye daye û veng da kurdan wa lezabez vera hêrişan vengê xo berz bikerê.

Eşkerayîya KCDK-E de nê ameyî vatene: ''Gama ke heme leteyanê Kurdîstanî û teberê welatî de  Newroze bi coşî ameye pîrozkerdene û xoverdayîşo pîl ê kurdan reyna ame vînayene  dewleta tirke ya faşîste reyna terorê xo Belçîka de ard caardene.  Çeteyanê faşîstan ê dewleta tirke verê çimanê polîsanê Belçîka de hêrişê kurdan kerd. Ma hukmat û polîsanê Belçîka şemezar kenê.

Xoverdayîşê kurdan çend şino girdêr beno û bi şayîyanê Newroze vengê nê xoverdayîşî dahîna ame eşnawitene. Dewleta tirke ya faşîste ya ke vera xoverdayîşê kurdan nêeşkena ser bikewo provokasyon û qirkerdişan ra mird nêbena. Hinî maskeya dewleta tirke ya faşîste û Erdoganê dîktatorî ginaya war. Dewleta tirke ya ke çeteyan kena weye û herême de şuxulnena tewr peynî de çeteyanê ci Moskova de hêriş kerd.

Dewleta tirke ya ke vera xoverdayîşê kurdan bîya hare wazena bi provokasyonanê Ewropa vera kurdan ser bikewo. Bi nê hêrişî faşîstî yo ke konsolosxaneyê tirkan ê Belçîka ser o ame organîzekerdene û polîsê Belçîka nêvînayîşî ra ameyî, ame waştene ke pêkewtişê kuçeyan vejîyê. Faşîstan waşt banenê kurdan bivêşnê û kurdan lînç bikerê. Eke verê nê mero girewtene hêrişê vera kurdan zêdîyenê.

Ganî kurdî her ca de vera nê hêrişanê faşîstan paştî bidê yewbînan û vera provokasyonan hazir bê.  Ma sey KCDK-E nê hêrişê plankerdeyî yo ke Belçîka de hetê dewleta tirke ra  ame kerdene  û hukmat û polîsanê Belçîka ci rê çimê xo girwewtî şermezar kenê. 25ê adare saete 12.00 de ma do verê Parlamentoya Ewropa de çalkîya girde bikerê. Ma veng danê şarê xo yê Ewropa de wa tewrê çalakîye bibo.''