Zîlane (Zeynepe Kinaci) 30ê hezîrana 1996î de Dêrsim de çalakîyêka fedayîye kerdbî.

Hemserekîya Konseya Rayberdişî ya KCKyî bi wesîleya serrgêra çalakîya fedayî ya Zîlane eşkerayîyêka nuştekîye daye.

Eşkerayîye wina ya:

''Ma embaze Zîlana ke 30ê hezîrana 1996î de çalakîyêka pîle kerde û nameyê xo tarîxî ser de nuşto, şexsê aye de pêro şehîdanê demokrasî û şorişî bi rêz û minetî yad kenê. Ma ancî soz danê ke perwerê şehîdan bibê. Embaze Zîlane bi tewir, cu û çalakîya xo Kurdîstan de bîye sembolêk, xetêk, metodêk û tewra karwanê şehîdan bîye. Teyna Kurdîstan de û seba kurdan ney seba têkoşînê azadîye yê cinîyan û têkoşînê globalî a wayîra girîngîyêka pîl a.

Zaf zehmet o ke bi qiseyan raştîya Zîlane bêra vatene. Xora Zîlane pê qiseyan ney pê çalakîye xo îfade kerd. Xo bi çalakîye îfade kerd û bi nê hawayî bîye wayîra cu û raştîyêka raştikêne. Wexto ke çalakîya xo ya tarîxîye kerde, dîyar kerd ke a cuye ra zaf hes kena û çalakîya xo zî seba ney kena. No tewir teyna bi rayraşîyayîşê xeta azadîye fam beno. Coka famkerdişê Zîlane embazîya Zîlane teyna bi rayraşîyayîşê na xete beno.

Rayber Apoyî vatbi Zîlane fermandara ci ya, ma zî şerwanê xeta aye yê û ganî çalakîya aye hol bêra famkerdene. Nê prosesî de îqtîdarê AKP-MHPyî xîret keno ke kurdan qir bikero, modernîteya kapîtalîste bi keno ke serdestîya xo rê dewam bikera û vera ney Kurdîstan, Rojhetalê Mîyanênî û pêro dinya de şar, cinîyî û pêro bindestî mîyanê xoverdayîşî de yê. Her wextî ra zafêr lazim o ke raştîya Zîlane wa bêra famkerdene. Çunke Zîlane name û îfadeyê xo azadîye û serkewtişî ser o nayê ro. Coka ganî her cinîye, kurd, milîtan mîyanê cigêrayîş û têkoşînê azadîye de ganî raştîya Zîlane fam bikerê û xo mîyanê na raştîye de xorin bikerê.

Çalakîya embaze Zîlane nîşaneya tewr pîle ya wayîrvejîyayîşê raştîya Rayberîye ya ke krîterê azadîye afernayê û aye pawena. Xora aya ke Zîlane veta werte zî tewir û fikr o. Ê prosesî de ke dewleta tirke seba îmhakerdişê Rayber Apoyî û têgêrayîşê ma hêrişê giranî kerdêne embaze Zîlane bi çalakîya xo derbêka pîle daye sîstem û mezgê dişmenê qirkerî. No metodê fedayî yê Apogîrî de resa asta tewr berze. Gerîlayê azadîye ewro nê metodî kenê esasê xo, bi nê metodê fedayî danê dişmenî ro û seba pawitiş û azadîya Kurdîstanî şer kenê. Gerîlayî Zap, Avaşîn, Metîna, Xakurkê, Botan, Amed, Dersim, Serhed û her cayê Kurdîstanî de xeta Zîlane de xo ver danê û şer kenê.

Bêguman seba ke Zîlane bêra famkerdene, ganî hesreta ci bêra caardene û xeta ci ser de ma şorê. Zîlane her çî ra ver famkerdişê raştîya Rayber Apoyî ya, îfadeya perwerîya bi Rayber Apoyî ya û embaza ci ya. Coka seba famkerdişê raştîya Zîlane û rayraşîyayîşê serê xeta aye yenê manaya xorinkerdişê raştîya Rayber Apoyî. Serrgêra 27. ya şehadetê ci de ma embaze Zîlane û şexsê aye de pêro şehîdanê şorişî û demokrasî reyna bi rêz û minetî yad kenê. Sere de şarê ma, ma venga pêro kesan danê ke bawerîya xo bi erjanê azadîye bîyarê ke vera tecrîdê serê Rayber Apoyî tewirêkê hîna xurtî bimojnê.''