Hemserekîya Konseya Rayberdişî ya KCK’yî bi wesîleya serrgêra Komploya Mîyanneteweyîye ya 9’ê Teşrîna Verên a 1998’î eşkerayîyêk daye û vat Rayber Apoyî komplo pûç vete û hêrsê şarê ma yê vera komplo do heme komployanê vera Têgêrayîşê Azadîye yê Kurdî bin bifîno.

Eşkerayîye ra tayî cayî wina yê:

''Seba ke Rayber Apo semedê şaranê Rojakewtena Mîyanêne sîtemêko demokratîk afernayêne bi Komploya Mîyanneteweyî hedef ame giretene. Seba ke bi komplo nêeşkeayî vernîya ey bigêrî ewro Îmrali de tecrîdo giran yeno caardene. La rixmê na komplo  vernîya mucadeleyê Kurdan û şaranê Rojakewtena Mîyanêne nêame girewtene. Na komploya zaf aktorin a ke tarîxî de nêameya vînayene ramojnena ke komplokarî senî hêzê şorişgêrî yê bedilnayîşî yê Rayber Apo û Têgêrayîşê Azadîye ra tersenê. Seba ke na komploya înan pûç ameye vetene nika vera PKK û Têgêrayîşê Azadîye yê Kurdî wazenê ke kopmloyêka bîne bifîne dewre. Îqtîdarê AKP’yî yo ke ameyo nuqtaya rijnayîşî bi hêrişê vera Kurdan wazeno payra bimano. Îqtîdaro faşîst bi heme îmkananê xo semedê tasfîyekerdişê Têgêrayîşê Azadîye hêriş keno. La vera nê hêrişan bi ruhê  şehîdanê  xoverdayayîşê ‘Şima nêeşkenê tîjê ma tarî bikerê‘ her ca de bi fedaîkî yeno xoverdayene. No xoverayîşo tarîxî yo ke bi bedelanê girdan heta ewro ame, do komployanê ewroyênan zî pûç vejo. No xoverdayîşo gird do tecrîdê Îmrali zî bişino û Kurdan biresno azadîye û Rojakewtena Mîyanêne rê demokrasî bîyaro.‘‘