Komîteya Perwerdeyî ya KCKyî  vera eşkerayîya ENKSyî ya derheqê ziwanê dayîke de eşkerayîye daye û nê pare kerdî:

''Serdestî bi seserran o semedê estbîyayîşê kurdan binate ra wedarê hêrişê ziwan, kultur, nasname, tradîsyon û erjanê kurdan kenê. Îşkence û hêrişê wehşîyê ke vera kurdan nêameyî kerdêne nêmendî. Heme leteyanê Kurdîstanî de têna dezgehanê fermîyan de nê zereyê keyeyanê  ma de zî ziwanê ma qedexe kerd. Bi hezaran kêna û lajê kurdanê ke wayîrê ziwan û kulturê xo vejîya Efrîn, Serêkanîye, Qamişlo û Nisêbîn, Mahabad, Sine û Sûrdî bi hewayêkê wehşîyî qetil kerdî. Ciwanê ma teberê welatî de seba ke kurdê û kurdkî qisey kenê hetê nîjadperestan ra ameyî qetilkerdene.

La xora dost û dişmen ewro her kes zano ke  vera nê hêrişakran  raştîya kurde esta ke bedelê ci çi beno wa bibo têkoşînî canêverdena. Ewro îmkanê ma yê wayîrvejîyayîşê heqanê demokratîkan ê neteweyî her wextî ra zafêr ê. Nimûneyo tewr pîl ê naye Şorişê Rojawanî yo. Coka dişmenê ma yê ke estbîyayîşê xo çînbîyayîşê kurdan de vînenê, destkewteyanê ma hedef genê. Çoka hêrişê Rojawanî kenê. Eşkerayo ke ewro watişê yewîya neteweye vîjnayîşî ra wete mecburî ya.

ENKSî yaroje eşkerayîye daye û waşt ke wa mektebanê Îdereyê Xoserî de mufredatê perwerdeyî reyna goreyê rejîmê Sûrîye bo û sîstemê hemserekîye wedarîyo. No kerdişê înan dişmenî ra zafêr dîşmenîya vera detkewteyan û erjanê kurdan a. Na ekerayîya ke badê pêvînayîşê Tirkîya ameye kerdene de sîstemê ziwanê dayeke yeno hedefgitewtene. ENKS zî zaf hol zano ke netewa ke wayîrê ziwanê xo mevejîyo wayîrê nasname û ameyoxê azadî nêbena.

ENKSyo ke her firset de şorişê Rojawanî bi hemkarîya hukmatê Şamî sûcdar keno, bi nê tewirê xo yê vera ziwanê dayîke di raştîye fînayî çiman ver. Yewine; ENKS çirey tewrê têkoşînê şorişî nêbi, qet bedelêk nêda,wayîrê erjanê şorişî nêvejîya û destkewteyî kerdî babetê bazarîye. Diyîne; ê zî zanê ke sere de kurdî şarê Vakur û Rohilatê Sûrîye mufredatê rejîmî rê agnêgêrenê û sîstemê hemserekîye canêverdenê. Bi nê rojdemî wazenê ke pêvînayîşanê yewîya neteweye bikerê derg û vajê PYNK vernîyê nê pêvînayîşan geno.

ENKSyî bi nê tewirê xo rayna ramojna ke ê têna vera Şorişê Rojawanî nê vera ziwan û kulturê kurdan ê. Coka ma reyna vanê ke perwerdeyê ziwanê dayîke yo ke dibistanî ra heta unîversîte esto semedê şorişê Rojawanî destkewteyo tewr pîl o xeyalê seserran ê kurdan o ke ameyo ca. Coka vera ENKSyî nêrazîbîyayîşî zêdîyenê. Na çarçewe de ma şarê xo yê welatperwerî û dormayanê demokratîkan ra wazenê ke wa vera nê eşkerayîyanê dişmenîye hîsgêr bê. Ma veng danê ENKSyî ke wa nê ziwanî dişmenîye caverdo û seba ke semedê  cuya azade ya bi ziwanê dayîke şehîdî ameyî dayene, wa ozrê xo biwazo.''