Mehmet Emîn Ozkano 83 serre qezaya Licê ya Amedî de 1996 de kişîyayîşê Tuggeneral Bahtîyar Aydinî ra tepişîya. Rixmo ke eşkera bibi ke yew eleqeyê Ozkanî yê bi mergê Aydinî çin o, Ozkan bi serran o zîndan de tepişîyeno.

Ozkan zîndan de pê nêweşîyê giranî kewtî û bi desan reyî krîzê qelbî derbaz kerdî. Roniştişê dewaya vera Ozkanî 10ê teşrîna peyêne de Mehkemeya Cezaya Girane ya Adana de ame dîyene. Ozkan bi rayîrê SEGBÎSî Zîndanê Amedî ra tewrê roniştişî bi.

Ozkanî roniştiş de pare kerd ke o nêeşkeno fam bikero, veng nêşino ci û nêeşka pawitişê xo bikero. Mehkeme qerar da ke tepişîyayîşê Ozkanî dewam bikero.

Kênaya Mehmet Emîn Ozkanî Selma Ozkan derheqê babete de qisey kerd û vat: ''Hînî çîyêk nêmendo ke ma vajê. Ê wazenê wa cenazaya babîyê mi zîndanî ra vejîya. Babîyê mi serebûtê Licê ra tepişîyabi. La her kes zaneno ke yew eleqeyê ey bi nê serebûtî çin o. Rixmê delîlan zî vera nêdîyeno. Wa na bêhuqûqîye biqeda, babîyê mi vera bidîyo. Ez nêwazena wa babîyê mi zîndan de bimiro.''