Seba weçînayîşanê Tirkîya yê 14ê gulane ewro Îngilîstan de roja raydayîşî ya peyên a. Namzedanê Partîya Çep a Keske yê Îstanbulî ra Kerem Firtinayî venga weçînitoxanê Îngilîstanî da ke seba welatêkê roşnî morê xo bidê binê logoyê dare ro.

Mesajê Kerem Firtinayî wina yo: ''Ewro Îngilîstan de semedê raydayîşî roja peyên a. Beno ke Seba way û birayanê xo yê tîyayî, seba dost û embazanê xo, seba ma û seba xo keremê xo ra raya xo bidê. Morê 'heya' bidê binê logoyê dare ro. Bi hêvîya Tirkîyaya roşnîye...''

Koordînasyonê Weçînayîşî yê Brîtanya yo ke paştî dano Partîya Çep a Keske venga terefgîranê kede û azadîye da ke mesuldarîya xo ya tarîxîye bîyarê ca.

Sîyasetmedarê kurdî Osman Baydemîro ke Brîtanye de seba weçînayîşî xebitîyeno, venga weçînitoxan da ke raya xo bidê.