Lîderê rêxistina sûcan Sedat Pekero ke pê bultena sûre dewlete gêrena ci pê vîdeoyanê xo rojdemê Tirkîya de yo. Hedefê Sedat Pekerî de Wezîrê Karanê Zereyî Suleyman Soylu û Wezîro verên ê Karanê Zereyî Mehmet Agar estê. Hemsereka Pêroyî ya ÎHDyî derheqê sûcanê dewleta xorine û rojdemî de ajansê ma rê qisey kerd.

Erene Keskîn da zaneyene ke çarçewa têkoşînê înan ê serran de çîyê ke ewro yenê qalkerdene cara zanîyenê û vat: ''Ma sey avûkatanê heqanê merdiman bi serran o vanê ke aqlê dewlete yê serranê 90an dewre de yo. Rixmo ke na sey dewleta  xorine zanîyena la na dewleta raştikên a. Çîyê ke Sedat Peker qala ci keno serranê 1990an de ameyî sereyê ma. Merdimê ma kişîyayî, dîyayî vînîkerdene. Skandalê Susurlukî de na torre eşkera bibî. La dewleta Komara Tirkîya qetî nê kerdişan de têrî nêbîye.

Rêxistinê sûcî wextêkê dergî ra nata mîyanê dewlete de têgêreno. Xora Sedat Peker zî bi hawayêkê eşkerayî vano ke o wextêkê dergî ra nata mîyanê dewlete de yo. Bîyarê vîrê xo; heman Sedat Pekerî ma rê gefî wendî la nê gefî sey azadîya fikran dîyayî.Heyf ke wexto ke ma nê vatî xemê çewî de nêbi la nika pê vateyanê Pekerî yenê nîqaşkerdene.''