Pê waştişê 'Rayberê Şarê Kurdî Abdullah Ocalanî rê azadîye' mabênê 8-12ê teşrîna peyêne de do çalakîya 'Keştîya Azadîye' bêra kerdene. Înîsîyatîfê 'Ocalanî rê Azadîye' vat ke bername do Yunanîstanî ra dest pêbikero, Îtalya de biqedo.
Înîsîyatîfê 'Abdullah Ocalanî rê Azadîye' pê şîarê 'Wextê ci ameyo-Abdullah Ocalanî rê azadîye, Kurdîstanî rê haştîye' kampanyayêka mîyanneteweyîye daye destpêkerdene. Çarçewa 'Kampanyaya Ocalanî rê Azadîye' de 12ê teşrîna peyêne de Îtalya de dest pêbikera û keştîyêke tira do vejîya rayîr. Almanya, Fransa, Swîsre, Brezîlya, Îspanya, Swêd, Îtalya, Yunanîstan û Îngilîstanî ra rojnamegerî, akademîsyenî, sîyasetmedarî, nuştoxî, temsîlkarê têgêrayîşanê cinîyan, temsîlkarê dezgehanê Kurdîstanî yê Ewropa, hunermend û sîyasetmedarî zî tede 50 kesî tewrê çalakîye do bibê.
Înîsîyatîfî vist vîrî ke semedo ke 23 serrî verî 12ê teşrîna peyêne de Rayberê Şarê Kurdî Îtalya de bibi 'Keştîya Abdullah Ocalanî rê Azadîye' 12ê teşrîna peyêne de do Îtalya de biba.
Bernameyê keştîye wina yo:
-Bername 8ê teşrîna peyêne de Yunanîstan de do dest pêbikero. Çalakîkerî tîya de rêxistinanê komelê sivîlî û partîyanê sîyasîyan reyde pêvînayîşan bikerê.
-Atîna de derheqê komployê vera Abdullah Ocalanî de panelêk do bêro kerdene. Ca: Stavropolou 33 Ayhens. Saete 18:00.
-Kampa Multecîyan a Lavrioyî ya Yunanîstanî de bernameyêko kulturel do bêro kerdene: Ca:Danoukara1 Lavrîo. Saete: 21:000
-9ê teşrîna peyêne de ketîye Yunanîstanî ra do ver bi Îtalya şora. Qeraxê Yunanîstanî de do nawnayîşêk û kombîyayîşê çapemenîye bêrê kerdene.
-Wextê gerayîşî de di bernameyî do bêrê kerdene. Derheqê tecrîdê Îmraliyî û paradîgmaya konfederalîzmê demokratîkî de bernameyê agahdarkerdişî û bernameyêko kulturel do bêrê kerdene.
-12ê teşrîna peyêne de keştîye do biresa Îtalya û qerax de bi nawnayîşî do bêra pêşwazîkerdene.
Eşkerayîya çapemenîye, Saete: 12:00
Zanîngehê Napolî de Konferansê Şarî Saete 16:00
Tîyatroyê Şaristanî yê Napolî de Konser, Saete: 21:00.
