Emîne Şenyaşara ke mêrde û di lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde roja 76. de nobeta xo ya edaletî rê dewam kena. Şenyaşarî rîyê qedexeyê tebervejîyayîşî ra keye de nobete de yê.

Keyeyê Şenyaşarîe ewro hesabê xo yê Twîterî ra no mesaj pare kerd: ''Bêrê ma vera zulmî bibê yew.

Baroyê Riha: Ma do heta peynî dewaya ke do tarîx de sey Qirkerdişê Nêweşxaneyê Dewlete yê Pirsûsî cayê xo bigero, teqîp bikerê.

Zor bi zî ma do Edaletî bîyarê.

Heme kesê ke paştî danê ma wa weş û war bê…''