Keyeyê Şenyaşarî roja 505. de verê Edlîyeya Riha de nobeta edaletî rê dewam keno. Dayîke Emîne Şenyaşar seba ke nêweş a nêeşkaye beşdara çalakîye biba la lajê aye Ferît Şenyaşar nobete de yo.

Keyeyî hesabê xo yê medyaya dîjîtale de no mesaj vila kerd: ''Neheqî û bêedaletîya ke merdimêkî ra yena kerdene, komel de birînan akena. Birîna bêedaletî ya ke Riha de ameya akerdene, hema zî tira gonîye herikîyena. Ma do nêdê vîrakerdene û tira fek vera medê. Ma do nêverdê rojdemî ra bikewê. Yan edalet yan edalet. Naye ra ber rayîrêk çin o.''