Emîne Şenyaşara ke mêrde û di lajê ci hetê merdimanê Wekîlê HDPyî Îbrahîm Halîl Yildizî ra kişîyayî lajê xo Ferît Şenyaşarî reyde roja 105. de nobeta edaletî rê dewam kena.

Keyeyî verê Edlîyeya Riha de no dowîz akerd: 'Dadîyêke 105 rojî yo verê Qesra Edaletî ya Riha de nobeta edaletî kena. 2 doman û mêrdeyê ci nêweşxane de ameyî qetilkerdene. Semedo ke qirkerdiş de wekîlêk zî esto 3 serrî yo dewa nêna akerdene.'

Keyeyî medyaya dîjîtale ser o zî no mesaj da: ''11 baroyan seba dewaya qirkerdişê nêweşxaneyî soz da. Hedef paştdayîşê 81 baroyan o. Heta ke edalet nêro caardene ma do keyeyê xo de nêronişê.''