Emîne Şenyaşara ke mêrde û di lajê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde roja 75. de nobeta xo ya edaletî rê dewam kena. Şenyaşarî semedê qedexeyê tebervejîyayîşî keye de nobete de yê.

Keyeyê Şenyaşarîe wro hesabê xo yê medyaya dîjîtale de fotografê Enver Yildiz û Halîl Yildizê ke sey birîndar tede bîyî û raştê hêrişî ameybî vila kerdî û vat: ''1Şer de zî vera ambulansî hêriş nêno kerdene (Fotografê ambulansê birîndaran) 2-Dokumento fermî yê qeydê birayê wekîlî (îtîrafê mudaxelekerdişê hukmî) Kişîyayîşê çar merdiman mesele nîya, serebûtî ra dima Wekîl Yildiz bihêzêr bi! Ma edalet wazenê. Ma do vera zulmî bêveng nêmanê.''