Emîne Şenyaşara ke mêrde û lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde 171 rojî yo verê Edlîyeya Riha de nobeta edaletî rê dewam kena. Ewro avûkatê keyeyî Serhat Kurt zî tewrê çalakîya keyeyî bi.

Kurtî vist vîrî ke keye 24ê tebaxe de semedo ke serdozgerî bivîno 10 saetan zereyê edlîye de ame vindarnayene. Kurtî vat: ''La waştişê pêvînayîşê keyeyî ame redkerdene. Serdozgerî verî vatbi 23 sûcdarî ameyê tesbîtkerdene la hema zî çew nêtepişîya. Keyeyê Şenyaşarî zî çalakîya xo do bikirişo Anqara. Anqara de wayîrê wijdanî do hetê keyeyî de ca bigêrê. No keye semedê her kesî edalet wazeno.''

Keyeyê Şenyaşarî zî medyaya dîjîtale ra no mesaj pare kerd: ''Nîyetanê şima yê xiraban û menfaatanê sîyasîyan keyeyêk çin kerd. Şima keyeyê dadîyêke ard kişta rayîrî. Şima verî wijdanê serdozgeran pa kerdî, cubeyî dayî înan rê. Qetî çerxê nê zulmî do bişikîyo.''