Emîne Şenyaşara ke mêrde û di lajê ci hetê merdimanê Wekîlê AKPyî Halîl Îbrahîm Yildizî ra kişîyayî verê Edlîyeya Riha de roja 340. de lajê xo Ferît Şenyaşarî de nobeta edaletî rê dewam kena.

Keyeyê Şenyaşarî pankarta bi nuşteyê 'Babî û lajî verê çimanê her kesî de kişîyayî. Derheqê serebûtî de kesêk nêtepişîya. Dadîye seba ke înan pabeyê edaletî ya. Seba Keyeyê Şenyaşarî, seba her kesî edalet' barîyeranê verê edlîye de darde kerde.

Keyeyî hesabê xo yê twitterî de zî no mesaj pare kerd: ''Ma heta nika muhakemkerdiş û dozger sûcdar kerdî. La peyê dozgerî de wekîlêko çekdar esto. Şîarê ma heq û huqûq û edalet o. Kesê ke vera nê zulmî bêveng ê, ma înan şermezar kenê. Ma şar ê yan şima?''