mîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde 316 rojî yo verê Edlîyeya Riha de nobeta edaletî gêna.

Nobeta keyeyî binê hewayê serdî û vewre de zî dewam kena. Ferît Şenyaşarî pare kerd ke şertî senî benê wa bibê ê do verê berê eldîye ra amegêrê û vat: ''Her roje bi seyan merdimî yenê edlîye. Nê merdimî zulmê selahîyetdaran rê zewtî kenê. Eke şima zî musilman ê çira hemkarê nê zulmî benê.''

Ferît Şenyaşarî îfade kerd ke cayanê bînan de zî verê edlîyeyan de nobetê roniştişî yenê kerdene û vat: ''Eke bi nê hawayî pê rayîrê muhakemekerdişî zulm dewam bikero, pêro edlîyeyê Tirkîya do bivurîyê cayê nobeta edaletî. Ma qerardar ê. Ma serdî ra bicemidê zî nêşorê keyeyê xo, verê edlîye ra amegêrê. No zî wa şermê Walîyê Riha û Wezîrîya Edaletî.''