Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayîş lajê xo Ferît Şenyaşarî reyde roja 160. de keyeyê xo de nobeta edaletî rê dewam kena.

Keyeyê Şenyaşarî twitterî ser o no mesaj pare kerd: ''Dewleta huqûqî de qet yew selahîyetdar nêeşkeno mesuldarîya xo bido kişte. Nêweşxaneyê dewlete de verê kamerayan de qirkerdişê ame kerdene. Dozgerîye 23 kesî tesbît kerdî. Wa selahîyetdarê dewlete nêbê hemparê sûcî û qanûnan bîyarê ca.''