Emîne Şenyaşara ke laj û mêrdeyê ci hetê merdimanê Wekîlê AKPyî Îbrahîm Halîl Yildizî ra kişîyayî laê xo Ferît Şenyaşarî reyde 9ê adara 2021î ra nata verê Edlîyeya Riha de nobeta edaletî kena.

Keyeyê Şenyaşarî pê waştişê pêvînayîşê Serdozgerîya Komare dekewt bînaya edlîye la cewab nêdîya waştişê înan.

Keyeyî medyaya dîjîtale ser o no mesaj pare kerd: ''Ez dadîyêka cigêrvêşaye ya. Lajê mi 3 serrî yo têna hucreyê yewkesî de tepişîyeno, ez nêwazena keye de ronişa û binê nê zulmî de biciwîya. Bêrê ma pîya na bêedaletîye werte ra wedarnê. Çunke edalet her kesî rê lazim o.''