Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî 172 rojî yo lajê xo Ferît Şenyaşarî reyde verê Edlîyeya Riha de çalakîya xo ya nobeta edaletî rê dewam kena. 

Keyeyê Şenyaşarî medyaya dîjîtale ser o no mesaj pare kerd: ''Semedê heq, huqûq û edaleyî Qesra Edaletî ya Riha de têkoşînê ma yê edaletî binê zulmî de dewam keno. Wa edalet bêro, zulm biqedo.''