Kitabê Rayberê Şarê Kurdî Abdullah Ocalanî yê bi nameyê ''Kurdîstan de Meseleya Kesayetî, Kesayetê Milîtanîye û Cuya Partîye'' bi almankî hetê Kitabxaneyê Meymanî ra ame çapkerdene.

Kitab hêverî 1985 de bi tirkî amebi çapkerdene. Kitab 441 rîpelan ra yeno pê û tede meseleya kesayetî ya ke meseleyanê girîngan ê ewroyînan ra zî yew a, yena ercnayene.

Kitab seba famkerdişê îdeolojî û tarîxê PKKyî zî zaf ercîyaye yo. Kitab keno ke çew tede bieşko metodolojîya Rayberê Şarê Kurdî teqîb bikero.

Kitab pirtukxane.net de seba rotişî amade yo.

Hetê bînî ra kesê ke wazenê Festîvala Kulturê Kurdan a Frankfurtî û Merkezanê Komelê Demokratîkî yê Kurdan de zî xo biresnê kitabî.