KJK: Nê caardiş û qeraran caverdenê

KJKyî da zanayene ke Başûrê Kurdîstanî û îdareyê YNKyî bi qefilnayîşê buroyanê Tevgara Azadî û RJAKî zirar dano xebatanê yewîya neteweyîye û înan ra waşt ke wa nê caardiş û qeraran caverdî.

Koordînasyonê KJKyî  derheqê qefilnayîşê buroyanê Tevgera Azadî û RJAKî de  eşkerayîyêka  nuştekîye daye.

KJKyî qerarê qedexeyî  yê Başûrê Kurdîstanî û îdareyê YNKyî yê hemverê Tevgara Azadî û RJAKî rê hêrsê xo ard ziwan û va: ‘‘No qeraro antîdemokratîk erjê welatperwerîye û raştîya kurdan ra dûr o. Nê qerarî ra têna qezencê  AKPyî esto. Silêmanîye bi kulturê xoverdayîşî û erjê xo yê welatperwerî yena naskerdene. Şarê  Başûrê Kurdîstanî bi taybetî zî ê Silêmanîye rixmê heme herîşanê çînkerdişî yê serdestan tim bi xoverdayîşî wayîr nasname û erjê xo vejîyayo.

GANÎ NO CAARDIŞÎ RA FEK BÊRO VERADAYENE

Ma hole zanê ke pêkerdiş û îtîfaqê ke dişmenê kurd û Kurdîstanî dir ameyî kerdene, şarê ma nînan ra feyde nêdîyo. Dişmen wazeno ke kurdan bixapînê, lete bikerê û pêverdê. Îtîfaqanê dişmenî de  hingimêno ke dîyenê şima heqîqete xo de axû yo. Senî ke vengo zanaye û bêmerg ê kurd û Kurdîstanî Cegerxwînî vato ’eke ma  medi yew, ma şinî tek bi tek.’ Coka Başûrê Kurdîstanî û îdareyê YNKyî nê caardiş û qerarî ke dişmenî şa kenê û zirar danê yewîya ma, wa nînan caverdî. Sere de cinîyî ganî heme hete demokrat û rêxistinî vera na neheqîye vengê xo berz bikerî.’’