Koordînasyonê KJKyî bi eşkerayîya nuştekîye şehîdê Menga Gulane yê Têgêrayîşê Azadîye yê Kurdîstanî yad kerdî û nê vatî:

“Têgêrayîşê ma ke her hela xo bi qehremanîye nuseno şexsê embaz Hakî Karerî de menga gulane sey menga şehîdan û qehremanan îlan kerda. Şehîdan emirê xo semedê şarê xo da, şer kerd û û rixmê nê xo tim sey deydanrî hesibna. Ma têkoşînê 50 serran de hêzê xo tim şehîdanê xo ra genê. Ewro hemrayê ma yê ke Zap, Metîna, Avaşîn û Xakurkê de vera îşxalker û xayînan têkoşîn kenê, mewzîyanê dişmenî û qelbê Anqara danê adirî ver, rêçê şehîdanê Menga Gulane de şer kenê û destan nusenê. Ma şehîdanê xo yê qehremanan bi hurmet yad kenê û sozê welatê azadî newe kenê.

Heme şehadetanê Menga Gulane sey nimûneyêkê qehremanîye tarîxî de cayê xo girewt. Ma zî do bi tewirê têkoşînê Rayber Apoyî nêzdîyê şehîdan bibê û têkoşînê azadîye xurtêr bikerê. Rayber Apoyî bi sozê ke da şehîdan dest pê têkoşînê nêm seserre daye û tim bi nê sozî rayra şi. Ma veng danê ke sere de cinî û ciwanî wa heme şarê ma seba ke xeyalanê şehîdan yê Kurdîstanê Azadî û Rayberê Azadî bîyaro ca her ca de her wext vera faşîzmî têkoşînî xurt bikerê.”