Koordînasyonê KJKyî bi wesîleya Hewteyê Qehremanîye eşkerayîya nuştekîye daye û nê vatî:

“Hemrayê ma Mazlûm doganî zîndanê Amedî de rojêka Newroze de bi hîrê qirçanê kîbrîtî tarîtîye kerde roşn û  bi meşaleyê qehremanîye rayîrê koyanê Kurdîstanî zî roşn kerdî û 15ê Tebaxe de hemra Mahsum Korkmazî no meşale kirişt koyanê Kurdîstanî û tîya vist ta. No meşelayo ke bi qehremanîye ame roşnkerdene ters, merg, bênasnameyîye, koltetîye mirnayî û cezaret, cuyeya azade, nasname afirnayî.  Mahsum Korkmaz o ke 28ê adare de şehîd bi egîdîya zîndanaN kirişt egîdîya koyan û Kurdîstan de egîdîye kerde sey xetêke. Coka tarîxê ma yê têkoşînî de 21ê adare ra heta 28ê Adare sey Hewteyê Qehremanîye yeno zanayene.  Ma şexsê hemra Mahsum Korkmazî de heme şehîdanê xo minet û rêzdarî yad kenê. Ma soz danê ke ma do bi girdkerdişê xeta serkewtişî waştişê şehîdanê xo bîyarê ca.

Na xeta qehremanîye ewro bi xoverdayîşê Rayber Apoyî û gerîlayanê HPG û YJA Starî yena domnayene. 8ê Adare û Newroze de startê serkewtişî ame dayene. Şarê ma reyna eşkera mojna ra ke rixmê heme hêrişan xeta Mazlûm Doganan, Sarayan û Mahsum Korkmazan de xover dano. Inkey gereka na xeta egîdîye bineyna bêro girdkerdene  û na çarçewa de cewabê îqtîdarê faşîstî bêro dayene. Verê ma de  prosesê weçînayîşî est o. Ganî şarê ma wayîrê îradeyê xo bivejîyo. Ganî kurdî qet rayêke zî medê îqtîdarê faşîstî yê AKP-MHPyî û partîya hîzbîkontra Huda-Parî. Vera îqtîdarê faşîstî ganî xeta hîrêyîne bêro xurtkerdene. Wayîrê Hewtehê Qehremanîye bivejîyê rayranê xo bîde îradeyê xo.''