Fermandarîya Qerargehê Merkezê Pawitişê Şarî (MPŞ) derheqê Hewteyê Qehremanîye de eşkerayîyêka nuştekîye daye.

Eşkerayîye wina ya:

''Şarê kurdî yê xoverdayox, çêr û rûmetênî tarîx de zad qehremanî vetî. Kawayê Asinkerî ra heta Medanî nê tarîxî de qrhremanan cagirewte. Şarê kurdî mabênê hewteyê çalakîya Kawayê Modernî Mazlûm Doganî ya 21ê adare û roja şehadetê Fermandar Egîd-Mahsum Korkmazî sey Hewteyê Qehremanîye fîraz keno. Embaz Mazlûmî Zîndanê Amedî de ruhê fedakarîye mojna. Embaz Mahsûmî zî serkêşîya Hemleya 15ê Tebaxe kerde. Embaz Mazlûm û Mahsun tarîxê Kurdîstanî de bîyî sey sembol, ruh, xet û qehremanan. Embazê ma Mazlûm û Mahsun bîyê meşaleyê dîyarkerî yê qehremanîya şarê ma. Nê bingeyî ser o ma Hewteyê Qehremanîye yê şarê kurdî û pêro embazanê xo fîraz kenê.

Embaz Egîd fermandarêko pîl bi û perwerê dewaya welat û Rayber Apoyî bi. Têkoşînê ma yê gerîlatîye yo ke bi guleyê embaz Egîdî dest pêkerdbi, ewro bîyo artêşa fedayî ya Apogîre. Ewro têkoşînê ma yê Şerê Şarî yê Şorişgêrî serkêşîya gerîlayanê azadîye yê Kurdîstanî de, bi taktîk û averşîyayîşanê neweyan de astêka berze de yo. Gerîlayê azadîye rêçê şehîdan de şinê û armancanê şehîdan anê ca. Ma soz danê ke bi hişmendî, ruh û bawerî û qerardarîya qehremananê xo têkoşînê xo pîlêr bikerê û layîqê vîrameyîşê şehîdan bibê.

Ma şarê kurdî yê qehremanî selam kenê. Ma Hewteyê Qehremanîye ancî şarê xo yê welatperwer û embazanê xo rê fîraz kenê. Ma têkoşînê înan ê azadîye de înan rê serkewtiş wazenê.''