Konseyê Rayberdîşî yê KNKyî qerarê Amerîka yê Sûrîye ra ancîyayîşî ra dima bi eşkerayîyêka nuştekîye wina veng da:

‘‘Hadreyîya hêriş û îşxalî yê dewleta tirkî  ya vera Rojawanî (Vakurê Sûrîye) dewam kena. Dewleta tirkî verê çimanê dinya de Efrîn îşxal kerd. Efrîn ame rijnayene û vêşnayene, bi seyan sivîlî ameyî qetilkerdene, bi hezaran zî birîndar bîyî  û bi seyan zî ardê xo ra biyî. Dewleta tirkî wazena ke heman çîyan cayanê bînan yê Rojawanî rê zî bikero. Hedefê dewleta tirkî de bajarê Kobenî, Girêspî, Serêkanîyê, Dirbêsîyê, Amûdê, Qamişlo, Tirbespîyê, Dêrîk, Minbic û înana pabeste bi seyan bajarok û merkezî estî.

Hemverê DAÎŞÎ de mucadeleyo tewr pîl hêzanê YPG, YPJ û QSDyî da û bedelê tewr pîl zî înan dayî. Hêzê herême hema vera DAÎŞî şer kenî. Koalîsyono ke rayberîya Amerîka de têgêreno û dewlete sey Fransa û Îngîlîstanî zî tede ca gênî sozê pawitişî  dabi îdare û şarê herême. Goreyê xebaranê peyênan Amerîka vera tehdîtanê dewleta tirkî pêser game eşta û qerarê hêzanê xo herême ra antiş girewto. Eke Amerîka û hêzê bînî yê koalîsyonî herême ra vejîyê, şarê herême do qirkerdişêkê girdî rê rî bi rî bimano.''

KNKyî hêzanê mîyanneteweyîye ra nê waştî:

1- Hêzê Koalîsyonî wa herêmi de bimanî.

2- Konseyê Asayîşî yê NYyî wa lezabez bêro pêser qerarê pawitişê herême bigêro û herême sey cayê firdayîşî rê qedexe îlan bikero.

3- Hukmatê Amerîka wa qerarê xo îptal bikero.

4- Sere de Fransa, Almanya û Îngîlîstan wa dewletê YEyî na babete lezabez bigêrê rojdemê xo û qirkerdişê şaran rê bêveng memanî.

5- Rûsya sey Efrînî wa hêrişê dewleta tirkî rê bêvêng meman û ci ra vajo vinde.

6- Heme pawitoxê heqanê merdiman, têgêrayîşê aşitîye û yê ke cayanê sîyasî û komelkî de aktîf ê wa qirkerdişî rê bêvêng memanî û paştî bidê şaranê Vakur û Rojakewtena Sûrîye.

.