Konseya Rayberdişî ya Kongreya Neteweyî ya Kurdîstanî (KNK) semedê wefatê Profesor Nadir Nadirovî mesajê serweşîye weşana.

KNKyî vist vîrî ke Nadir Nadirov ronayoxanê KNKyî ra yew bi û ey semedê yewî û îtîfaqê kurdan zaf xîret kerd.

KNKyî vat: ''Ma sey KNKyî keyeyê Nadir Nadirovî rê û pêro şarê Kurdîstanî rê serweşîye wazenê. Nadir Nadirov 1932 de dewa Qîqaçî ya Nahçivanî ya Azerbaycanî de dadîya xo ra bîyo û 24ê tebaxe 2021î de şîyo rehm. Rehma Homayî ey ser o ba.

Birêz Nadirê Keremê Nadirov pisporê Petro kîmya bi. Ey 40 kitaban ra zêdêr kitabî çap kerdî û tewr tay 280 meqaleyî nuştî. O têna Kurdîstan de nê pêro dinya de şinasîyayêne. O ronayoxanê KNKyî ra yew bi û Serekê Rûmetî yê Yewîya Kurdan a Sovyetan bi.

Ma do rêçê profesor û zanayeyê xo Nadirê Keremê Nadirovî û embazanê ci heta peynî teqîb bikerê.''