Wekîlê HDPyî yê Agirî Abdullah Koçî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Koçî îfade kerd ke tecrîdê vera Îmraliyî bêhuqûqî yo, binpaykerdişê destûrê bingeyî yo. Koçî vat: ''Qanûnî zî vanê ke pêvînayîşê bi telefonî, têrîyî heq ê. Nê qanûnî seba her kesî derbazdar ê. Îmrali de qanûn û krîterê huqûqî yenê binpaykerdene. Ma AKP-MHPyî rê bi zelalî vanê ke wa qanûnan bêkêmasî bîyarê ca! Birnayîşê pêvînayîşê telefonî zî bêhuqûqîyêko bîn o.''

Koçî bale ante grevê vêşanîye yê tepişteyan ser û vat: ''Zîndanan de 120 rojî yo grevê vêşanîye esto. Tepişteyî wazenê tecrîd û binpaykerdişanê heqanê înan wa biqedê.  Eke biwazo AKP-MHP eşkeno na mesele çareser bikerê.''

Koçî dewaya qefilnayîşê HDPyî ercnaye û vat: ''Ma seba her kesî, pêro beşanê komelî edalet wazenê. No edalet pê caardişê haştîya komelkî beno. Ma şarê xo reyde nê têkoşînî kenê. Ma pê bawer nîyê ke netîceya dewa de HDP bêro qefilnayene. HDP seba komelê Tirkîya reçeteyêka xurt a, seba xelisîyayîşê şaran warêko girîng ê têkoşînî yo.''