Wekîla Partîya Çep a Keske ya Qersî Gulistane Kiliç Koçyîgît derheqê turê diyînî yê weçînayîşê serekkomarîye yê 28ê gulane de ANFyî rê qisey kerd.

Gulistane Kiliç Koçyîgît pare kerd ke îqtîdarê AKP-MHPyî rijnayîşê gonî û hêsiran ra ber çîyêk nêdano şarî û vat: ''Sere de kurdî û elewîyî cinî, ciwanî û pêro beşê komelî wazenê hedefê bênefesverdayîşî de yê. Coka 28ê gulane de rejîmî ser o raydayîş do bêro kerdene û weçînayîş sey referandumî do derbaz bibo. Seba demokrasî ganî ma qetî 28ê gulane de şorê sindoqan ser. Armancê înan o bingeyî binvistişê Erdoganî û rejîmê şexsî yo.

Ganî her kes bizano ke yew raye zî zaf qîmetîn a. Eke ma ser bikewê tewr nêbo ma do bikewê mîyanê prosesêkê asayî, verê azadîya embazanê ma yê tepişteyan abibo û embazanê ma yê surgunan rê rayîrê agêrayîşî abibo. Seba vurnayîşî hêvîyêka pîle do bivisîya destê ma. Se beno wa bibo ma do 28ê gulane de şorê sindoqan ser û raya xo bidê.''