25ê hezîrana 2012î ra nata şaristanê Strasbourgî yê Fransa de seba azadîya Rayberê Şarê Kurdî Abdullah Ocalanî çalakîya Nobeta Azadîye yena kerdene. 

Nobeta ke her hewte yew welatê Ewropa ra komayêke dewr gena hewteyê 627inî de hetê koma Frankfurtî ra ameye dewrgirewtene.

Yilmaz Şekerli, Metin Arslan, Gabar Ronî û Esir Akkurt yê ke çalakîya nobete rayra benê veng da Komîteya Vergirewtişê Îşkenceyî (CPT)  û dezgehanê bînan ê mîyanneteweyî ke wa vera tecrîdî bêveng memanê.

Çalakwanan eşkerayîya xo de vat: ''Hemkarê îşkenceyê tecrîdî yê vera Rayber Apo û heme Kurdîstanî mebê. Qanûnanê xo bîyarê ca. Paştdayîşê Erdoganê faşîstî û dewleta ci ya îşxalkere mebê. Hinî bes o paştî medê sîstemê îşkence û qirkerdişî.''