KONGRA-GEL’î peyamê xo yê nuştekîyî yê Roşanê Remazanî de, sere de şarê Kurdistanî, heme Alemê Îslamî pîroz kerd. Peyamê KONGRA GEL’î wina yo;

“Ma Roşanê Remazanî yê şarê Kurdistanî û Alemê Îslamî pîroz kenê. Ma hêvîdar ê ke no roşano pîroz mîyanê şarê ma de û şaranê Rojakewtena Mîyanêne de bibo wesîleya aramî û aşitîye.

Şarê ma bi zerrîweşîye nê roşanî pêşwazî keno. Tecrîdê Îmraliyî, bi xoverdayîşê grevê vêşanîye û bi xoverdayîşê Dayîkanê Laçigsipîyan ame şiknayene. Dimayê çar serran (5.04.2015) peyamê Rayber Apoyî û hîrê hevalanê ey rest şarî, têgêrayîşê ma û rayapêroyî. Ma roşanê Rayber Apoyî û hîrê hevalanê ci yê ke Îmraliyî de pîroz kenê, silam û rêzanê xo pêşkêş kenê.

Bi wesîleya Roşanê Remazanî kesanê ke cuya xo vînd kerda, ma keyeyanê înan rê serweşîye û sebr wazenê. Ma vengdayîş bi heme şarê Kurdistanî û sezgehanê xeyrwazan kenê ke bajar û dewan de kesanê ke zirar dîyo xo vîr ra nêkerê; bi qurban, fître û zekatanê xo hetkarîya şarê ma yê mexdûrî bikerê, şarê xo ra wayîr vejîyê.”