Zîndanê Kurkçulerî yê Adana ra rojnamegerê tepişteyî Îbrahîm Karakaşî derheqê binpaykerdişê heqanê tepişteyan de keyeyê xo de qisey kerd.

Karakaşî da zanayene ke heta ke waştişê înan bêrê caardene ê do grevê vêşanîye rê dewam bikerê. Karakaşî pare kerd ke înan rê cigêrayîşê zereyê fekî yeno ferzkerdene û tepişteyê ke ney qebul nêkenê raştê gefanê îdareyê zîndanî yeno.

Karakaşî eşkera kerd ke kovara 'Kapali Kapilar Ardinda Gazeteciler' a DFGyî bahaneya 'lîsteya weşaneyanê ke fayde danê komelî de çin a nêdîyaye ci û hakîmîya înfazî zî kovare ser o heman bire daya.