Rayraşîyayîşê Azadîye yo ke serkêşîya KCD, TJA, DBP, MED TUHAD-FED, MEBYA-DER û HEDEPî  ame organîzekerdene xeylêk bajranê Vakurê Kurdîstanî û herêma Çukurova de dîya destpêkerdene.

Şaro ke saetanê serê sibayî ra Riha, Mêrdîn, Sêrt, Şirnex û Êlih ra kewt rayîr, resa Amed. Şar rixmê astengkerdişê polîsan kewt bajar.  Şaro ke verê banê HEDEPî yê Amedî ame têhet  tîya ra ravîyart Parka Koşuyolu.Hemserekê KCDyî Berdan Ozturk, Hemserekê Pêroyî yê HEDEPî Tuncer Bakirhan, Hemserekê Pêroyî yê DBPyî Çîgdeme Kiliçgun Uçar û Keskin Bayindir  birayê Abdullah Ocalanî, Mehtmet Ocalan zî tede şar hetê polîsan ra gerîya binê ablûqa û destur nêdîya rayraşîyayîşî.Naye sero wekîllî kuçe de roniştê û rayîrê trafîqî birna.

Wekîlî dima ra şîyî rêxistina HEDEPî û verê banê partîye de eşkerayîye daye. Keskin Bayindirî vera qedexeyan û zextan hêrsê xo ard ziwan û vat, “ Ewro bi hezaran, bi sehezaran kesî ver bi Gemlîkî rayra şinê. Ma do xover bidê û verê zulmî bîgêrê.  No rayîrê azadîye, rayîrê yewîye yo. Ma do miheqeq ser bikewê ”

Ofis de zî ciwananî bi slogananê “Apoyî her ca de yê”, “Bi xwin bi can em te re Öcalan”, “Be Serok jiyan nabe”  rayra şîyî.  Ciwanê bi nameyê Muhsin Aydogdu, Seneme Eriş û Elif û Heline yê ke peynameyê înan nêame musayene ameyî destbendkerdene.

Hetê bînî ra Çewlîg de zî  êyê ke Çewlîgî ra ver bi Amedî kewtî rayîr nuqtaya dekewtişê bajarî de ameyî vindarnayene. Wekîlê HEDEPî yê Çewlîgî Omer Faruk Hulakuyî vat tecrîd têna vera Abdullah Ocalanî nê vera heme kurdan yeno kerdene

Kürt Halk Önderi Abdullah Öcalan'a Özgürlük Yürüyüşü için çevre kentlerden yola çıkanlar Mersin'e ulaştı. Halk sık sık "Selam selam İmralı'ya bin selam" ve "Bê Serok jiyan nabe" ve "Bi can bi xwîn em bi tere ne ey Serok" sloganlarını attı.

Qolê Rayraşîyayîşê Azadîye yê Çukurova zî resa Mersinî. Adana, Hatay, Osmanîye û Dîlokî ra şaro kewt rayîr rixmê astengkerdişê polîsan resa Mersinî. Şar verê banê HDPyî yê Akdeniz de ame têhet. Kuçeyê Mersinî bi slogananê "Bê Serok jiyan nabe" û  "Bi can bi xwîn em bi tere ne ey Serok" zimayî.