Wan de polîsanê ke waşt verê Rayraşîyayîşê Gemlîkî bigêrê, banê HEDEPî girewt binê ablûqa. Polîsan hêrişê şarî kerd û xeylêk kesî destbend kerdî.

Kesê ke ameyî destbendkerdene nameyê tayînan wina yê: Hemserekê HEDEPî yê Bajarî Veysi Dilekçî, Gunole Uzunay, hemserekê DBPyî yê Bajarî Şengule Polat, Harun Okay, Hemserekê TUHAY-DERî Çetin Polat, Hemsereka

MEBYA-DERî yê Bajarî Hanime Kaya, Hemşaredarê Bajarê Pîlî Mustafa Avci yo ke wezîfeyê ci ame xespkerdene, Hemserekê HEDEPî yê Îpekyolu Çaçan Uzunay û îdarekarê partîye Omer Işik.

Hetê bînî ra semedê Rayraşîyayîşê Gemlîkî Adana û Dîlokî ra şaro ke kewt rayîr resa Mersin. Rixmê heme hêrişanê polîsan şarî rayraşîyayîşê xo rê dewam kerd. Adana, Dîlok, Hatay, û Osmanîye ra kewtî rayîr do sey qolê Çukurova ver bi Gemlîkî bikewê rayîr.