Turo diyîn ê weçînayîşê serekkomarîye reyna bi bêusûlîyan derbaz bi. La sey weçînayîşanê 14ê gulane narey zî Vakurê Kurdîstanî ra bi mîqtarêkê zêdeyî Erdoganî rê raya 'ney' vejîyaye.

Serekê AKPyî Recep Tayyîp Erdogano ke vera kurdan polîtîkaya înkarî û konseptê şerî ano ca, turê diyînî de Vakurê Kurdîstanî de reyna bin kewt. Namzedê Îtîfaqê Miletî Kemal Kiliçdarogluyî Vakurê Kurdîstanî de zafê rayî girewtî.

Şirnex  de Kiliçdarogluyî se ra 76,30 û Colemêrg de se ra 72 rayî girewtî.

Amed de Erdoganî se ra 23,37 rayî, Kiliçdarogluyî se ra 71,61 rayî girewtî. Erdoganî Mêrdîn de se ra 34, Êlih de se ra 32, Dêrsim de se ra 17,19 rayî girewtî.

Zîndanê Amedî ra Erdoganî teyna 32 rayî girewtî.

Reyna dewa Roboskî ya qezaya Qilebanî ya Şirnexî de Erdoganî 90 rayî la Kiliçdarogluyî 479 rayî girewtî. 

Dewa Sîsî ya qezaya Licê ya Amedî de Erdoganî rê rayêke zî nêvejîyaye! Dewa Sîsî hertim raştê teda û hêrişanê leşkeranê tirkan yena. Dewe de tewr peyên gorê gerîlayan dîyabî bombayan ver. Dewe de Kiliçdarogluyî pêro rayî girewtî.