Kurdanê Saratovî Ocalanî rê azadîye waşte

Kurdanê qezaya Yerşovî ya şaristanê Saratovî ya Rûsya bi eşkerayîyêke tecrîdê vera Rayberê Şarê Kurdî Abdullah Ocalanî şermezar kerd.

Bi wesîleya hemleya 'Tecrîd, faşîzm û îşxalî rê bes o wext wextê azadîye yo' kurdanê qezaya Yerşovî ya şaristanê Saratovî ya Rûsya bi eşkerayîyêke tecrîdê vera Rayberê Şarê Kurdî Abdullah Ocalanî şermezar kerd.

Îdarekaranê MEclîsê Şarê Kurdî yê Yerşovî ra Mîrza Elî Yusubovî qisey kerd û îfade kerd ke ê tecrîd qebul nêkenê. Yusubovî ê sey kurdanê Rûsya vera qirkerdiş û tecrîdî bêveng nêmanê.

Îdarekaranê Meclîsî ra Gulîzare Yusupova ard ziwan ke vera polîtîkayanê înkar û çinkerdişî yê dewleta tirke ya faşîste ê do bêveng nêmanê û seba azadîya Rayberê xo têkoşîn  bikerê.

Endama Komîteya Kulturî Sultane Bakî zî waşt ke Rayberê Şarê Kurdî Abdullah Ocalan cade bêro verdayene.