Dezgehanê kurdan sekmedê protestokerdişê Wezîrê Pawitişî yê Tirkîya Hulusî Akaro ke  do roja sêşeme bêro Berlin, veng da.

Vilawekê vengayîşî yê protestoyî ke kurdkî, almankî û tirkî ameyî amadekerdene de  Hulusî Akar sey wezîrê şer û îşxalî ame namekerdene û ame vatene ke  pêvînayîşê Akar û  A. Kramp-Karrenbauer do şer û îşxalî zafêr bikero.

Hemserekê  Navenda Kurdistaniyen Azad -Berlin (Freie Kurdische Gemeinde- Berlin)  Îsmaîl Parmanksizo ke ajansê ma rê qisye kerd vat: ''Ma sey maxdûranê dewleta tirke û rejîmê AKPyî do pêvînayîşî Karrenbauere û Akarî protesto kenê.''

Meclîsê Cinîyan ê Dest-Dan zî bale ante polîtîkaya qirkerdişî ya Tirkîya ya vera cinîyan û kurdan ser û vat: ''Rolê Akarî remnayîş û qetilkerdişê cinîyan  ê Efrîn û Rojawanî de esto. Reyna bajaranê bînan ê Kurdîstanî de zî bi destê hukmatî cinîyî raşte şîdet û tecawuzî yene, yenê remnayene û qetilkerdene. Annegrete Kramp-Karrenbauer bi nê pêvînayîşî sey cinîyêke paştî dana qirkerdişê vera cinîyan.''

Çalakîya protestoyî 2ê sibate de saete 12:30 de verê Wezaretê Pawitişî yê Almanî (Vor Bundesministerium der Verteidigung Stauffenbergstraße 18, 10785 Berlin)  de do bêro kerdene.