Verê Ofîsê Neteweyê Yewbîyayeyî yê Bajarê Cenevre yê Swîsre de semedê balantişê serê grevê vêşanîye yo ke vera tecrîdê serê Rayberê Şarê Kurdî Abdullah Ocalanî yeno kerdene, çalakîya roniştişî ke ameybî destpêkerdene, dewam kena.

Çalakîye ewro hetê aktîvîstanê Meclîsê Kurdî yê Bernî ra ameye dewrgirewtene. Çalakîye rê eleqedarîya pîle esta. Kurdîstanijî rixmê serd sipirî çalakwanan zîyaret kenê.

Qiseykerdişanê çalakîye de zulm û zextê dewleta tirke yê vera kurdan ame vîrardene û ame vatene ke kurdî do bi pîlkerdişê têkoşînî tecîdî bişiknê û verê hêrişê îşxalî bigerê. Reyna bale ameye antene rewşa tepişteyan ser û ame vengdayene ke hema ke rewşe zaf xirab nêbîya wa waştişê tepişteyan bêrê caardene.

Çalakîye do siba hetê aktîvîstanê Meclîsê Kurdî yê Zurihî ra bêro dewrgirewtene.