Şarê Kurdîstanî vera polîtîkaya terorî û qeyûmî ya hukmatê faşîstî ya AKP-MHPyî reyna sindoqan de îradeyê xo mojna ra. Şayîyanê xurtan ê Newroze şarî xora nîşanê serkewtişî dabi. DEM Partî weçînayîşê  cayîyî yê 31ê adare 77 şaredarîyî fînayî dest.

Ame de DEM Partî Şaredarîya Bajarê Pîlî û 14 qezayan girewtî. Goreyê netîceya weçînayîşî şaredarîyê  Erxenî, Pîran, Gêl, Çinar, Bismil, Farqîn, Licê, Pasûr û Hêne bîyî yê DEM Partî. Heme qezaya merkezî Kayapinar, Bajerê Nu, Sur û Rerzan de zî namzedê DEM Partî ser kewtî.

Mêrdîn de DEM Partî Şaredarîya Bajarê Pîlî bi ferqê pîlî girewte û 6 qezayan de namzedê DEM Partî ser kewtî.

Wan de ke polîtîkayê qeyûmî tewr zaf tîya ameyênî caardene, şarî lapata pête daye îqtîdarê faşîstî ro. Pîya bi Şaredarîya Bajarê Pîlî 12 qezayî Rêya Armûşê, Artemêt, Tuşba, Ebex, Westan, Elbak, Payîzava,  Şax, Serav, Qelgelî, Bêgirî û Erdîş bîyî yê DEM Partî.

Agirî  de merkez û qezayê Giyadîn û Bazîdî bîyî yê DEM Partî. Îdir de zî şaredarîya bajarî DEM Partî fînaye dest.

Merkezê Mûşî û qezayanê Milazgîr, Kop û Gimgim de DEM Partî ser kewt.

Sêrt de zî merkez û qezaya Misircê de DEM Partî ser kewt.

Colemêr, Êlîh û Dêrsim de şaredarîya bajarî bîye yê DEM Partî.

Tetwanê Bedsîlî de şaredarîye bîye yê DEM Partî.

Riha de zî DEM Partî şeş qezayan de Wêranşar, Ceylanpinar, Hewang, Xelfetî, Bêrecûk û Pirsûs de şaredarî girewt.

Erzirom de qezayanê Tatos û Qerayazî de namzedê DEM Partî ser kewtî.

Rojawan de zî DEM Partî  Akdenîzê Mersînî de ser kewt.