Partîya Demokrasîyî û Têdûştîye ya Şaran (DEM Partî) çarçewaya xebatanê weçînayîşanê cayîyayan ê 31ê adare de Amed, Mêrdîn, Wan, Riha û Îstanbul de akerdişê buroyan û  aktîvîteyanê veraşîyayîşê namzedan de bi hezaran kesî ardê têhet.

DEM Partî qezaya Hêne ya Amedî de buroyê weçînayîşî akerd. Konveyê partîye qeza de hetê şarî ra bi nîşanê serkewtişî ameyî pêşwazîkerdene. Hemserekê DBP yî yê Amedî Mehmet Şîrîn Gurbuz, Namzedê Bajarê Pîlî yê Amedî Serra Bucak, Dogan Hatun û parlamentere Adalete Kaya zî tewrê aktîvîte bîyî. Bado ke şarî mirda gonvede girewte qiseykerdişî ameyî kerdene û ame vatene ke şarê Amedî  rixmê heme astengîyan do şaredarîyanê xo peyser bîgero.

Qezaya Kerboranî yê Mêrdînî de zî boruyê weçînayîşî bi coşî ame akerdene. Îdarekar, wekîl û namzedê DEM Partî yê bajarî tewrê aktîvîte bîyî û mesajê xurtkerdişê têkoşînî û serkewtişî dayî.

Riha û qezaya Wêranşarî de zî  DEM Partî namzedê şaredarîye bi coşî pêşwazî kerdî. Qiseykerdişan de xoverdayîşê tepişteyanê sîyasîyan ame selamkerdene û ame vatene ke şarê Riha do wayîrê îradeyê xo bivejîyo û qeyûman bifetino.

Erdîşê Wanî de zî buroyê weçînayîşî yê DEM Partî bi coşî ame akerdene û namzedî bi def û zûrna ameyî pêşwazîkerdene.

Îstanbul de namzedê DEM Partî Meral Daniş Beştaş û Murat Çepnî qezaya Sancaktepe de bi çepik, tîlîlî û slogana “Jin jiyan azadî” ameyî pêşwazîkerdene û dima ra bi deyîranê kurdkî govende ameye girewtene.