Nobeta ‘Ocalanî rê azadîye’ ya ke bajarê Strasbourgî yê Fransa de yena viraştene, hewteyê 358’ine de ya.

Nobedarê nê hewteyî Kurdistanijê bi nameyê Rojdagul Taylane, Mehmet Serdar, Mûsa Agirman û Sabrî Taylan ê ke bajarê Hamburgî yê Almanya ra yê.

Sabrî Taylanî bi nameyê çalakwanan qisey kerd û bale ante serê tecrîdkerişê Rayberê Şarê Kurdî Abdullah Ocalanî û grevê vêşanîye. Taylanî ard ziwan, wezîfeyo muhîm no dem de kewtê vileyê şarê Kurdî û merdimanê demokrat-averperweran û vat, “Rewşa bi hezaran merdimananê ke seba azadîye Rayberîye kewtê grevê vêşanîye krîtîk a. Nêdîyayîşê naye korî ya. Ganî her kes destê xo bino wijdanê xo ser û hemverê xoverdayîşê vera tecrîdî de bêveng nêmano.’’

Endamanê grube da zanayene ke ê do çalakîya nobete heta azadîya Ocalanî dewam bikerê û vengdayîş bi Konseya Ewropa û Komîteya Vernîgirewtiş Îşkenceyî (CPT) kerd ke vera waştişanê şarê Kurdî bêveng nêmanê.

Nobeta ‘Ocalanî rê azadîye’25'ê Hezîrane 2012 ra nata dewam kena.