Roja 98’ine ya grevê vêşanîye yê bedêm-bêagêrayîşî de de rewşa Leyla Guvene bîye giran û naye ser a ameye berdene bi nêweşxane.

Endamê Delegasyonê Haştîye yê Mîyanneteweyîye  Amed de Leyla Guvena ke semedê wedartişê tecrîdê serê Rayberê Şarê Kurdî Abdullah Ocalanî 98 rojî yo grevê vêşanîye yê bêdem bêagêrayîşî de ya, zîyaret kerd. Zîyaretî ra dima wexto ke endamê deleqasyonî vernîya sîteyî de eşkerayîye kenî rewşa Guvene xidar bî. Guvena ke dejê sîneyê ci estî ameye berdene bi nêweşxayo taybet o ke rayîrê Riha ser ê yo.

Ama vatene ke Guvena ke  rîtme qelbê ci yenî goştarîkerdene, tedawî qebûl nêkerd.

Hemserekê KCD’yî Berdan Ozturk û parlamenterê HDP’yî zî nêweşxane de Guvene pawenê.