Goreyê xebera Rojnewsî leşkero sîvasij Erdem Kavlako ke dewleta tirke eşkera kerd ke 11ê temmuze netîceya qeza de merdo, vîdeoyê ci vejîya werte ke verê mergî cî ameyo antene.

Vîdeode yeno vînayene ke Erdem Kavlak pêzor yeno berdene warê şerî û safî nêbi ke û pê qeza ya zî hetê dewleta tirke ra ame kiştene.

Erdem Kavlak vîdeo de nînan vano:  ''Hîrê rojî yo ma tîya de yê. Ma tîya têşan mendî. Eke çîyêk bêro mi û embazanê mi ser, sûcdarê nê fermandarê ma yê. Nê vîdeoyî biresnê Wezîrîya Pawitişî yê Tirkîya.''

Dewleta tirke ya ke bi hewayêkê sîstematîkî sûcanê şerî kena verî zî leşkerê xo bi destê xo  vêşnaybî. Dewleta tirke ya ke vera waranê gerîlayan çekanê kîmyewîyan şuxulnena xo mîyan de leşkerann înfaz kena.