Vizêr qezaya Geverî ya Colemêrgî de çawişê pisporî yê Fermandarê Cendirmeyan a Geverî A.K.P. pê wesayîtê zirxinî Erdem Aşkano 5 serre qetil kerdbi. Wextê serebûtî de hemwelatîyan vera çawişê pisporî nêrazîbîyayîşê xo mojna. Naye ser o çawişo pispor cayê serebûtî ra rema.  La dima hetê Serdozgerîya Komare ya Geverî ra amebi destbendkerdene.

Çawişo pisporo A.K.P. îfade ra dima mudirîya polîsan de sewqê dozgerîye ame kerdene. Dozgerî doman Erdemî de qusir dî û çawişo pispor bi şertê kontrolê edlîyî vera da.